افضل اماكن الصيد بدولة الكويت
1 /المركز العلمي : من افضل الأماكن بالكويت والصيد غالبا يكون بالليل والافضل يكون الفير ويكون فساد لان المايه حاميه والصيد طبعا عد وخربط شعوم وينم وفسكر وبواليل ومزيزي وسبيطي وحمام وقرقفان وساعات نويبي يعني الصيد مخلوط والمكان فيه الخير وانا جرب الحداق فيه الصبح وبالليل وكل الانواع الي صدتها كانت باليل والصبح ماصدت اله مجوه .
2/ الابراج : الي اهي سكلة تشيليز جربتها كذا مره والصيد كله نويبي يعني تبي نويبي روح احدق فيها
3/ سوق شرق : اكثر سكله حدقت فيها وما شفت منها ولا شي وكله زحمه بس اذا تبي تصيد روح وقت يكون مافيها احد علشان لايتيمع عليك الانويتف بس مره شفت واحد مطلع فيها سبيطي كبير وكذا مره اشوف فيها ناس يطلعون مزيزيه
4/ الكوع الي ورا شوبيز : طبعا مكانه الي ورا المطافي على الصخر الصيد حده حلو ومشكل شعري وفسكر وشعوم ومزيزي وبواليل والاهم من هذا انه انا وربعي مطلعين فيه 6 سبيطيه والمكان حده قوي بس يبيله واحد خبره وعنده صبر
5/ قصر السيف : الي صاير صوب مجلس الامه مكان هادي وزوين والصيد شعوم والباجي صغار بس الافضل تروحله الفير
6/ سيف الدوحه : الي صاير ورا ميناء الدوحه بالضبط الي يصب فيه ماي الحار مال الميناء طبعا ماتقدر تحدق هناك اذا راحت المايه لانها تقطع وتصير الارض خاليه مافيها ماي فالافضل تروحلها وقت المايه والافضل يكون بلشتا لان بالصيف ماي حار مراح تصيد شي وماكو ولا سمجه المهم الصيد هناك يترأسهم الشعم مو اي شعم لان الشعم هناك يكون رابي وكبير بشكل ماتتصور وصيد بالهبل وبعد المزيزي والسبيطي هم بالقائمه وافضل مكان لصيد الشعم والسبيطي والمكان كشكل لك عليه بس كصيد راح تستانس بس لايصير بليل لان راح يصير خرمس ماكو ليتات
7/ الزور : طبعا المكان لاتعليق مكان الكباريه والي يحدقون هناك وايد والصيد أغلبه من اسماك الجنوب مثل السبيطي والفسكر والسكن والدويلمي والهوامير والمكان عالي شوي يعني يبيلك سنه على ماتصعد الي صايده والمكان بعد بعيد شوي يبيله واحد متفرغ
8/ الخيران : طبعا مايبيله اعرفكم على منتزه الخيران من افضل اماكن الصيد بالكويت كلها وسالو مجرب والصيد مشالله سبيطي ومزيزي وبواليل وشعوم وفسكروشعري ووحر ومزلقان وحتى مره صدت سمجه غريبه ملونه لونها برتقالي باحمر وفي سمجه ثانيه لونها اسود غامج وفي وايد اشياء غريبه هناك وانصح الصيادين الي يروحون المنتزه يرمون هناك صوب الظلعه من الخور داخل المنتزه على الصخر بالزاويه
9/ منطقة الاضباعية.. المكان يتميز بحد صخري وراه جفة غزيرة، وصاير مثل حوض صاد حق السمج، وفيه اسبيطي بس يبيله حمل وصبر اشوي، وطبعا المكان ما فيه جم بس ياذيك اليريور، وكل ذيبه تقول الزود عندي وبما أن المنطقة مفتوحة على الخليج العربي شوف الهوام فيه ومشهور بصيد السبيطية والشعوم والجنعد واللي يساعد الماية وايد صافية ومشاالله ميافرها فيها خير من هوامير وفسكر واللي عنده طراد بعد يشخط الجنعد والدويلمية، واحسن ييمة الصلاخة او المنجوسة الحية، وطبعا حداقة صيف وشتاء ما تفرق، لأنه المكان غزير وتعبر فيها الأسماك.
10/ وبعدها أسياف الفنطاس وأبو الحصاني ورا مطعم وادي العيون قبل ومكان نادي الحرس الوطني الحين فيهم خير وزهب ربيانتك وقعد، والصيد أرزاق وأحسن ماية الحداق الرشة أو السجي وآخر الثبر مع الوقفة.
11/ وكذلك سيف فندق ساس صوب البوم العود، مكان الشعري والقرقفان والبكو وعموم سمجة جنوب.
12/ وكذلك اسكلة المركز العلمي او عندك صوب الثروة السمكية يم راس السالمية دخلة الدردور الماية حامية بس فيها خير من شيم ونويبي ومرات بواليل، وللعلم هالمكان حسب آخر الدراسات يعتبر معبر لكل أنواع السمك الكبيرة في شهر 6، مثل سمكة الشمس والدلافين وباجي الهوام.
13/ وكذلك صوب راس عيوزه، وبعض الحداقة يسمونه حد ام حلييج وموقعه عند أبراج الكويت حق الشعم والنويبي.
14/ وبعدها سيف ام الغاز اللي مقابل مطعم ميس الغانم، افضل اماكن صيد الشعم الاصفر والقرقفان والينم، واحسن ييمة الشريب طبعا، الافضل ماية الثبر كلها بعكس باجي محادق السيف ومرات يصير فيه سبيطي.
15/ وصوب محادق الشويخ، اللي صوب مستشفى الولادة والمنطقة الحرة الى الحيشان والكل يعرف شنو الحيشان وسمجته.
16/ وعندك بعد شاليهات الدوحة وبحر الخويسات.
منقول للفائدة
